Ik Jawani Ki Shararat K Siwa Kuch Bhi Nahi.

May-Kashi Ab Meri Aadat K Siwa Kuch Bhi Nahi,
Ye Bhi Ik Talkh Haqeeqat K Siwa Kuch Bhi Nahi.

Fitna-E-Aqal Ka Jo Hua Meri Dunya Se Guzar,
Meri Dunya Me Mohabbat K Siwa Kuch Bhi Nahi.

Dil Me Shorsh-E-Jazbat Kahan Tere Baghair,
Aik Khamosh Qayaamt K Siwa Kuch Bhi Nahi.

Mujh Ko Khud Apni Jawani Ki Qasm Hai Ye Ishq,
Ik Jawani Ki Shararat K Siwa Kuch Bhi Nahi.