Khwahishoon Kay Railay Mein
Tum Se Kiya Kahaain Janaan
Es Qadar Jhamailay Mein
Waqt Ki Ravaani Hai
Bakht Ki Girani Hai
Sakht Bay-Zameeni Hay
Sakht La-Makani Hai
Hijar Kay Samandar Mein
Takht Aur Takhtay Ki
Ek Hi Kahani Hai
Tum Ko Jo Sunani Hai
Baat Wo Zara Si Hai
Baat Umer Bhaar Ki Hai
Umer Bhar Ki Baatain Kab
Doo Ghardi Mein Hoti Hein
Dard Kay Samandar Mein
Un-Ginnat Jazeeray Hein
Bayshumaar Moti Hein
Aankh Kay Jazeeray Mein
Tum Ne Jo Sajaya Tha
Baat Us Diyay Ki Hai
Baat Us Gilay Ki Hai
Jo Lahoo Ki Khilvat Mein
Choor Ban Kay Aata Hai
Lafz Ki Faseeloon Par
Toot Toot Jaata Hai
Zindagi Se Lambi Hai
Baat Takhliyay Ki Hai
Takhliyay Ki Baatoon Mein
Guftagoo Izaafi Hai
Piyar Karnay Waloon Ko
Ek Nigah Hi Kafi Hai
Ho Sakay Tow Sun Ja'oo
Ek Din Akailay Mein
Tum Se Kiya Kahain Jannan
Es Qadar Jamailay Mein
Comments
Post a Comment