Bhujey Charagh Hum Apney Gharon Mein Chorr Aaye
Bicharr K Tujh Se Chale To Ab K Youn Huwa
K Teri Yaad Kahin Raaston Mein Chorr Aaye
Hum Apni Darbadri Ka Mushaida Aksar
Nasihaton Ki Tarah Kum Sino'n Mein Chorr Aaye
Khiraj-e-Seel Balaa Is Se Barh K Kiya Ho K Log
Khule Makaan Bhari Barish Mein Chorr Aaye
Ghirrey Hain Lashkar Aadad Mein Aur Sochte Hain
Hum Apney Teer To Apni Saf'foon Mein Chorr Aaye
Hawa Hi Din Mein Parinday Uraaye Phirti
Hawa Hi Phir se Unhein Ghonsloon Mein Chorr Aaye
Kise Khabar Hai K Zakhmi Ghazaal Kis K Liye?
Nishaan Lahoo K Ghaney Jangalon Mein Chorr Aaye
Hamaray Baad Bhi Ronaq Rahe Gi Maqtal Mein
Hum Ahl-e-Dil Ko Bharey Hoslon Mein Chorr Aaye
Urain Ge Kiya Woh Parinday Jo Apnay Rizq Samait
Safar Ka Shoq Bhi Toote Parron Mein Chorr Aaye
Sadaa Sukhi Rahein Chehray Wo Jinhein Mohsin
Bujhey Gharon Ki Khuli Khirrkiyon Mein Chorr Aaye
Comments
Post a Comment