Barhana Dhoop Ko Youn Ik Nayi Qaba Di Hai
Wo Khush Faraib Meri Umar Roz Chaat'ta Hai
Usi Ne Aatish-e-Pinhaan Ko Phir Hawa Di Hai
Bus Ik Khuwaab Liye Darbadar Phira Barson
Bus Aik Khuwaab K Nashey Mein Sab Bita Di Hai
Wo Jis Se Jaib-o-Garaibaan Ki Sari Ronaq Thi
Wo Raigaari Kaheen Raah Mein Ganwadi Hai
Koi Safar Hai Na Rasta Na Koi Manzil Hai
Faseel Kis Ne Merey Gird Ye Utha Di Hai
Jo Merey Haath Na Aaya Kabhi, Usi K Liye
Daron-e-Shehr-e-Hawa Zindagi Bana Di Hai
Ye Koi Raat Nahi Hai Na Ye Andhera Hai
Bus Aik Chaadar-e-Gham Dasht Mein Bicha Di Hai
Hamarey Saamne Mehboob Zindagi Kab Thi
Tera Khayaal Tha Jis Ko Faqat Sada Di Hai
Comments
Post a Comment