Teray Badan Se Teri Rooh Tak Nishaan Meray
Kaheen Bhi Jaa K Basaa Le TU Bhool Ki Basti
Muheet Hein Teray, Yaadon K Aasmaan Meray
Agar-Chay Faasla Do Chand Kar Liya TU Ne
Rawaan Dawaan Hein Teri Simt Kaarwaan Meray
Mein Jaaon Bhi To Kahaan Chorr Kar Teri Galiyaan
TU Kar Gaya Sabhi Raastey Dhuwaan Dhuwaan Meray
Uboor Hotey Nahi Roz Tay To Karta Hoon
Ye Hijar Faasley Ye Hijar-e-Be-Karaan Meray
Hawaa K Bairrey Kisi Aur Simat Behtey Hein
Khuley Hein Aur Kisi Simat Baadbaan Meray
Mein Apne Jazbon Ki Shiddat Se Khauf Khata Hoon
K Dushmanon Se Hein Barrh Kar Ye Meharbaan Meray
Mein Khuwaab Zaar Ki Karta To Hoon Chaman Bandi
Ujaarr De Na Koi Aa K Gulistaan Meray
Shagoofey Aa Gaye Palkoon Pe Dard K Aakhir
Chupaa Sakey Na Meray Raaz Raazdaan Meray
Comments
Post a Comment