Tu Kali Hai k Kiran Hai k Saba Hai, Kya Hai
Teri Aankhon Me Kai Rang Jhijakte Dekhe
Sadagi Hai k Jhijak Hai k Haya Hai, Kya Hai
Rooh ki Piyas Bujha Di Hai Teri Qurbat Ne
Tu Koi Jheel Hai Jharna Hai Ghata Hai, Kya Hai
Naam Honton Pe Tera Aye To Rahat Si Mily
Tu Tasali Hai Dilasa Hai Dua Hai, Kya Hai
Hosh Mein La K Mere Hosh Urany Wale
Ye Tera Naaz Hai Shokhi Hai Ada Hai, Kya Hai
Dil Khata-War Nazar Parsa Tasveer-e-Ana
Wo Bashar Hai k Farishta k Khuda Hai, Kya Hai
Ban Gaye Naqsh Jo Surkhi Tery Afsane ki
Wo Shafaq Hai k Dhanak Hai k Hina Hai, Kya Hai
Comments
Post a Comment