Ye Aarzu Hai K Mein Teri Aarzu Ho Jaaon
Khuda Karay Meri Jaa'n Bhi Teray Kaam Aa Jaaye
Khuda Karay K Muhabbat Mein Surkhuru Ho Jaaon
Tu Aik Baar Agar Piyaar Se Pukaaray Mujhe
Mein Ehal-e-Bazm Ka Mauzzu-e-Guftugu Ho Jaaon
Aur Es Se Pehle K Ye Lamha Haath Mein Na Rahay
To Q Na Mein Abhi Sargaram Justuju Ho Jaaon
Mujhe Bhi Khenchti Rehti Hai Ye Tilsami Fazza
Ajab Nahi, Mein Girftaar Rang-o-Bu Ho Jaaon
Khuda Karay K Mile Mujh Ko Wo Maqam-e-Buland
Tamam Ehal-e-Wafa Ki Mein Aabru Ho Jaaon
Kisey Khabar Hai K Es Kaar-e-Ishq Mein Sahir
Ye Mein Jo Mein Hoon, Kisi Roz Mein Se Tu Ho Jaaon
Comments
Post a Comment