Choorriyaan. . .

Choorriyaan. . .

Khawishon K Jangal Me,
Raat Justaju Kar K,
Ham Ne Us Ki Khatir Ab Chooriyaan Kharidi Hain,

Dil Bala Ka Wehshi Tha,
Dil Se Guftagu KAr K,
Ham Ne Us Ki Khatir Ab Chooriyaan Kharidi Hain,

Wo Ajeeb Larki Thi,
Us Ko Raas Aata Tha,
Baarisho'n K Mosam Me, Khirkiyaan Khuli Rakhna,

Us Ajeeb Larki K Dil Me Aarzoo Kar K,
Ham Ne Us Ki Khatir Ab Chooriyaan Kharidi Hain,

Be_Qaraar Jazbo Ko aag Jaisay sheron Ko,
Neend K Jaziray Me Utarty Parindon Ko,

EK Sufaid Kaghaz Par Phir Se Roobaru Kar K,
Ham Ne Us Ki Khatir Ab Chooriyaan Kharidi Hain,

Kuch Kitabain Laina Theen,
Or Kuch Naye Kapre Or Kuch Zarurat Ki Dosri Bi Cheezain Theen,

Lekin Is Tarah Hai K,
Apni Har Zarurat Ka Is Baras Lahu Kar K,
Ham Ne Us Ki Khatir Kuch,
Chooriyaan Kharidi Hain....!