Kitaab Kab Tak Rahe Gi Saada, Kabhi To Aaghaz-E-Baab HoGa,

Kitaab Kab Tak Rahe Gi Saada, Kabhi To Aaghaz-E-Baab HoGa,
Jinhun Ne Basti Ujaar Dali, Kabhi To Un Ka Hisaab HoGa,

Sehar Ki Khushiyan Manane Walo, Sehar K Tewar Bata Rahe Hain,
Abhi To Itni Ghutan Barhe Gi K, Saans Lena Bhi Azaab HoGa,

Wo Din Gaye K Jab Har Sitam Ko, Ada-E-Mehboob Keh Kar Chup Thay,
Uthe Gi Hum Par Jo Entt Koi, To Pathar Us Ka Jawaab HoGa,

Sukoon-E-Sehra Main Basne Walo, Zara Ruton Ka Mizaaj Samjho,
Jo Aaj Ka Din Sukoon Se Guzra, To Kal Ka Mosam Kharaab HoGa,

Nahi K Ye Sirf Shairy Hai, Ghazal Main Tareekh-E-Behissi Hai,
Jo Aaj Sheron Me Keh Diya Hai, Wo Kal Shareek-E-Nisaab HoGa,