Wohi Raaton Ki Bedari Hai Ab Tak. . Tamanna Ka Safar Jari Hai Ab Tak. .

Wohi Raaton Ki Bedari Hai Ab Tak. .
Tamanna Ka Safar Jari Hai Ab Tak. .
Khyal-e-Zabt Or Tark-e-Talluq. .
Yahi Pathar Bohat Bhari Hai Ab Tak. .
Akeli Chandni Raaton Mai Dil Ko. .
Sulag Uthne Ki Bemari Hai Ab Tak. .
Abhi Pichle Dinon Jo Hum Pe Guzri. .
Ussi Rut Ka Nasha Taari Hai Ab Tak. .
Badan Se Ho K Jo Roohon Mai Utri. .
Ussi Qurbat Ki Sarshari Hai Ab Tak. .
Mai Hijrat Kar To Loon Chaman Se. .
Par Parindon Se Meri Yari Hai Ab Tak. .