Mujh Se Hanstey Huwey Jis Dam Wo Milaa Eid K Din

Mujh Se Hanstey Huwey Jis Dam Wo Milaa Eid K Din
Kunj-e-Dil Mein Mrey Ik Phool Khilaa, Eid K Din

Kya Khabar, Kal Tujhey Kis Baat Pe Rona Parr Jaaye
Khoob Ji Bhar K TU Khush Ho Lay, Dilaa ! Eid K Din

Jaaney Kya Soch K Seeney Se Lagaaya Uss Ko
Bar'Sar-e-Raah'Guzar Jo Bhi Milaa, Eid K Din

Taa K Dil Se Mrey Har Daagh-e-Ghami Dhul Jaaye
Saaqiya ! Mujh Ko TU Kuch Itni Pilaa, Eid K Din

Aiesy Milney Ko Kabhi Milna Nahi Kehtey Hain
Dil Se Dil, Haath Sey TU Haath Milaa, Eid K Din

Aaj Uss Ne Bhi Kahaa " Eid Mubarak " SAHIR !
Meri Chaahat Ka Mila Mujh Ko Silaa, Eid K Din

Poet: Pervaiz Sahir

Comments