Friday, 16 September 2016

Kisi K Hijr Ki Kharaash To Nahi

Kisi K Hijr Ki Kharaash To Nahi
Tumhaara Dil Bhi Paash Paash To Nahi

Hai Ye Jo Meray Saamney Parri Huwi
Kaheen Ye Meri Apni Laash To Nahi

Ye Main Jo Phir Raha Hoon Kab Sey  Soo Ba Soo
Mujhe Khud Apni Hi Talaash To Nahi

Ye Aor Baat Us Ko Pa Saka Na Main
Magar Zubaa'n Pe Lafz " Kaash " To Nahi

Kisi K Sahirana Lams-e-Dast Sey
Badan Mein Koi Irteaash To Nahi

Tumhaarey Haath Mein Hai Taisha-e-Junoo'n
K Tum Mujassma Taraash To Nahi

Hai Mera Rozgaar SAHIR ! Aur Kuch
Adab Zariya-e-Muaash To Nahi

Poet; Pervaiz Sahir

0 comments:

Post a Comment