Sunday, 18 September 2016

Ab apni rooh k chhaalon ka kuch hisaab karoon

Ab apni rooh k chhaalon ka kuch hisaab karoon
Main chaahta tha charaghoon ko Mahtaab karoon

Button se mujh ko ijaazat agar kabhi mil jaaye !
To shehar bhar k Khudaaon ko be'neqaab karoon

Main karwaton k naye zawiye Likhon shab bhar
Ye ishq hai to kahaan zindagi azaab karoon

Hai mere chaaron taraf bheerr gungay behroon ki !
Kisay khateeb banaon, kisay khitaab karoon

Uss aadami ko bas ik dhun sawaar rehti hai
Bohat haseen hai ye duniya, isay kharaab karoon

Ye zindagi, jo mujhe qarz daar karti hai
Kahin akailey mein mil jaaye, to hisaab karoon

Poet; Rahat Indori

0 comments:

Post a Comment