Ye Aasman Se Toota Huwa Sitaraa Hai

Kinaar-e-Aab Kharra Khud Se Keh Raha Hai Koi
Gumaan Guzarta Hai Ye Shakhs Doosra Hai Koi

Hawaa Ne Torr K Patta Zameen Pe Phainka Hai
K Shab Ki Jheel Mein Pathar Gira Diya Hai Koi

Bata Sakay Hain Parrosi Kisi Ka Dard Kabhi
Yahi Bahut Hai K Chehray Se Aashna Hai Koi

Darakht Raah Batlaaein Hila Hila Kar Haath
K Qaafilay Se Musaafir Bicharr Gaya Hai Koi

Churra K Haath Bahut Door Beh Gaya Hai Chaand
Kisi K Saath Samandar Mein Doobta Hai Koi

Ye Aasman Se Toota Huwa Sitaraa Hai
K Dashat-e-Shab Mein Bhatakti Huwi Sadaa Hai Koi
Ye Aasman Se Toota Huwa Sitaraa Hai Ye Aasman Se Toota Huwa Sitaraa Hai Reviewed by Murad Khan on May 13, 2016 Rating: 5

No comments:

Powered by Blogger.