Phir Shab-e-Gham Ne Mujhe Shakal Dikhaai Kiyon Kar

Phir Shab-e-Gham Ne Mujhe Shakal Dikhaai Kiyon Kar
Ye Bhala Ghar Se Nikaali Huwi Aai Kiyon Kar

TU Ne Ki Ghair Se Meri Buraai Kiyon Kar
Gar Na Thi Dil Mein To Labb Par Tere Aai Kiyon Kar

Tum Dil Aazaar-o-Sitamgar Nahin Main Ne Maana
Maan Jaaye Gi Ussay Saari Khudaai Kiyon Kar

Aaina Dekh K Wo Kehne Lage Aap Hi Aap
Aise Achon Ki Kare Koi Buraai Kiyon Kar

Kasrat Ranj-o-Alam Sun K Ye Ilzaam Milaa
Itne Se Dil Mein Hai Itnon Ki Samaai Kiyon Kar

Daagh Kal Tak To Duaa Aap Ki Maqbool Na Thi
Aaj Munh Maangi Muraad Aap Ne Paai Kiyon Kar

Comments