Mohabbat khaar hoti hai

Mohabbat khaar hoti hai
Ke ik azaar hoti hai
teri meri kahani mein
Anokhi haar hoti hai

Kabhi to shaam tujh se bhi
Bohat bezaar hoti hai
Mujhe teri tujhe meri
Zarorat yaar hoti hai

Karam ki ye ghari hum pr
Kahan har baar hoti hai
Wahan rasta nahi banta
Jahan deewar hoti hai

Tumhari aankh se roshan
Shab-e-deedar hoti hai
Kahani mein koi larki
Samndar paar hoti hai

Jisy kehte hain khamoshi
Pas-e-izhaar hoti hai
Mohabbat ki nahi jati
Meri sarkar! hoti hai

Comments