Monday, 16 May 2016

Miley nahi to ye haalat miley to kya ho ga

Miley nahi to ye haalat miley to kya ho ga
Iss aag ko wohi jaane ga jo jala ho ga

Milein gay aisay ke mlitay hain jaisay doono waqt
Ke aaeinay ke muqaabil ik aaeina ho ga

Gawaahi di hai ye zarkhaiz hoti mitti ne
Dam-e-wisaal koi phool khil raha ho ga

Ye soch soch k dil ho raha hai beqaboo
Main sochta hoon jisay mujh ko sochta ho ga

Zafar ne haal kaha teray rubaroo Janaan
So kya khayaal hai keh theek hi kaha ho ga

Poet: Sabir Zafar

0 comments:

Post a Comment