Friday, 6 May 2016

Kuch log tere shehar ko ab chhorr chalay hain

Kuch log tere shehar ko ab chhorr chalay hain
Ye baam-e-falak maah-e-arab chhorr chalay hain

Ab zeest mein shaayad k sinaan ka hi safar hai
Jeeney ka yahaan aur hi dhab chhorr chalay hain

Ek dasht sunaaye ga kahaani ye hamaari
Hum rait pay sab naam-o-nasab chhorr chalay hain

Is aik hawaalay se hamein yaad rakho ge
Hum naghma-e-gul, fasl-e-tarab chhorr chalay hain

Namoos hamaari se jo ghaafil hai abhi tak
Hum us ko misaal-e-boo lahab chhorr chalay hain

Maqtal mein kiya hai unhein tehreer lahoo se
Tareekh k daaman mein katab chhorr chalay hain

Poet: Ali Ammar

0 comments:

Post a Comment