Thursday, 19 May 2016

Itnay barson k baad aaye tum

Itnay barson k baad aaye tum
Ab bhi lagtay nahi paraaye tum

Aik malboos ke badalnay se
Kitney rangon mein jhilmilaaye tum

Banuri baj rahi thi door kaheen
Raat kis darja yaad aaye tum

Dil ko ik zarb yaad hai ab bhi
Kitney achay lagey thay haaye tum

Aik shaakh-e-yamin-e-gul ke liye
Kin darakhton pay cheh'chahaaye tum

Kuch to hum bhi kisi gumaan mein thay
Aur kuch yaad bhi na aaye tum

Raat majlis mein aik raunaq thi
Aa rahay thay sajay sajaaye tum

0 comments:

Post a Comment