Monday, 16 May 2016

Hont Heeron Se Na Chehra Hai Sitarey Ki Misaal

Hont Heeron Se Na Chehra Hai Sitarey Ki Misaal
Phir Bhi Laa Dey Tou Koi Dost Hamare Ki Misaal

Mujhse Kia Doobney Walon Ka Pata Poochtey Ho
Mein Samandar Ka Hawala Na Kinarey Ki Misaal

Zindagi Orrh K Bethi Thi Rida-e-Shab-e-Gham
Tera Gham Taank Diya Hum Ne Sitarey Ki Misaal

Aashqi Ko Bhi Hawas Paisha Tijarat Janein
Visal Hai Naf'aa Tou Hijran Hai Khasarey Ki Misaal

Hum Kabhi Toot K Roey Na Kabhi Khul K Hansey
Raat Shabnum Ki Tarha Subha Sitarey Ki Misaal

Na Sapasi Ki Bhi Hadh Hai Jo Yeh Kehtay Ho Faraz
Zindagi Hum Ne Guzari Hai Guzarey Ki Misaal

0 comments:

Post a Comment