Har Baar Hi Saal E No Par Main

Har Baar Hi Saal E No Par Main
Umeed Ki Faslen Bota Hon
Aur Saal ke Aakhir Mein Mujh Ko
Umeed Hi Katna Parti Hai

Har Baar Hi Saal E No Par Main
Umeed Sanbhale Jeeta Hon
Aur Saal Ke Aakhir Mein Phir Main
Umeed Liye Mar Jata Hon
Khud Apni Lash Uthata Hon
Mitti Mein Isay Dabata Hon
Phir Apna Sog Manata Hon

Aur Saal e No Ke Aatay Hi
Umeed Liye Ji Uthta Hon
Yun Jeeta Marta Rehta Hon

Har Baar Yahi Kuch Hota Hai
Har Baar Yahi Kuch Karta Hon

Umeed Hi Apni Qatil Hai
Umeed Say Hi Dil Ghayal Hai
Umeed Hi Apna Sahil Hai
Umeed Maseeha Hai Apna
Umeed Sahara Hai Apna
Umeed Hi Goya Sab Kuch Hai

Comments