Gulabon Se Mehki Lari Ho Gayi Hoon

Ghulabon Se Mehki Lari Ho Gayi Hoon
Mohabbat Ki Pehli Kari Ho Gayi Hoon

Mujhe Tu Ne Aisay Nigaah Se Dekha
K Main Ek Pal Mein Bari Ho Gayi Hoon

Sar-e-Shaam Aane ka Hai Us Ka Waada
Main Subah Se Dar Par Khari Ho Gayi Hoon

Na Chhurrwa Sako Ge Kabhi Haath Apna
Mohabbat Bhari Hath-Karri Ho Gayi Hoon

Bahut Door Hai Mujh Se Khushiyon Ka Mausam
Musalsal Ghamon Ki Jharri Ho Gayi Hoon

Juda Kar Na Paaye Ga Ab Koi
Wo Khushboo Hai Main Pankhri Ho Gayi Hoon

Comments