Thursday, 19 May 2016

Ghissi pitti si bisaaraton se main daikhta hoon

Ghissi pitti si bisaaraton se main daikhta hoon
Agarchay saari mahaaraton se main daikhta hoon

Main daikhtaa hoon udaas aankhen udaas dil se
Shareer aankhen sharaaraton se main daikhta hoon

Mujhe bhi chhootey dikhaayi detay hain log saaray
Kabhi jo oonchi imaaraton se main daikhta hoon

Wohi to aankhon mein khuwaab saaray jalay hain jin ko
Badan ki saari haraaraton se main daikhta hoon

Ye dekhnaa hai munaafa kitna hai chaahaton mein
Tijaaraton ko tijaaraton se main daikhta hoon

Haqeer nazaron se meri jaanib wo daikhta hai
Nazar ki saari tahaaraton se main daikhta hoon

Poet: Nadeem Raja

0 comments:

Post a Comment