Zindan mein muyassar ye saholat nahi hoti
Jis din se mere saath dagha TU ne kiya hai
Us din se kisi baat pe hairat nahi hoti
Aaeine mein ab koi bhi hansta nahi mujh par
Ab mujh ko mere haal se wehshat nahi hoti
Ek main jo tere wastay duniya se juda hon
Ek TU jisay duniya se hi fursat nahi hoti
Ek baar to hota hai zamane mein ujala
Taa Umer andheray ki hukomat nahi hoti
Wo log jinhen dhoop warasat mein ataa ho
Saaye ki unhen koi zaroorat nahi hoti
Jo log mohabbat mein bhichar jatay hain Sajid
Taa Umer unhen milnay ki soorat nahi hoti
Poet: Rana Sajid Mahmood
Comments
Post a Comment