Dost Hain Dushman Ki Taraf

Kheench Ke Mehboob Ke Daaman Ki Taraf
Aa Gaye Aur Bhi Uljhan Ki Taraf

Tum Chupaate Raho Kitna Us Ko
Bijliyaan Aaen Gi Khurmaan Ki Taraf

Har Taraf Noor Ka Tarkaa Dekha
Kon Aaya Mere Aangan Ki Taraf

Ay Chaman Waalo Rukon Yaa Jaaon
IK Dhuwan Sa Hai Nasheman Ki Taraf

Khair Maqdam Ko Jhukain Gi Shaakhain
IK Zaraa Aao To Gulshan Ki Taraf

Arsh Kis Dost Ko Apna Samajhon Main
Sub Ke Sab Dost Hain Dushman Ki Taraf

Comments