Day raha hoon azaa'n mohabbat ki
Dard-o-ranj-o-alam samaitay hain
Hum ne kab raayegaan mohabbat ki
Jis se ki saaf aur pakeeza
Misl-e-aab-e-rawaan mohabbat ki
Karobaar-e-hayaat mein sab se
Kaargar hai zubaan mohabbat ki
Apni aghraaz se jurrey hain hum
Hum ne yaaro kahaan mohabbat ki
Hum ne uss jaa nifaq boya hai
Thi zaroorat jahaan mohabbat ki
Keena parwar samaaj mein phir se
Aao kholeen dukaan mohabbat ki
Zindagi asal mein issi ki hai
jis ne Arshad yahaan mohabbat ki
Poet: Arshad Shaheen
Comments
Post a Comment