Wednesday, 18 May 2016

aur day khuda aansoo

Kiyon giraata hai jaa baja aansoo
Zindagi kya hai maasiwa aansoo

Arsh waala bhi reham khaata hai
Ho agar aankh mein saja aansoo

Aa gayi hai khabar, wo aatay hain
Aur day aur day khuda aansoo

Ye bhi saa'at qabooliyat ki hai
Jab duaaon mein aa gaya aansoo

Meri dariya ne aaj baiyyat ki
Main bahaata tha be'panaah aansoo

Ye khushi k hain ya museebat k
Kar sako ge, juda juda aansoo ?

Teray aanay se peshtar nikla
Dekh kaisa hai baa'wafa aansoo

Poet: Asad Shah

0 comments:

Post a Comment