Zahid Na Keh Buri K Ye Mastanay Aadmi Hain

Zahid Na Keh Buri K Ye Mastanay Aadmi Hain
Tujh Ko Lipat Parain Ge Ye Deewanay Aadmi Hain

Ghairon ki Dosti Par Q Aitbaar Kijiye
Ye Dushmani Karen Ge Baiganay Aadmi Hain

Jo Aadmi Pe Guzri Wo Ek Siwa Tumharay
Kiya Ji Laga K Suntay Afsanay Aadmi Hain

Kiya Chor Hain Jo Ham Ko Darbaan Tumhara Tokay
Keh Do K Ye To Janay Pehchanay Aadmi Hain

May Bond Bhar Pila Kar Kiya Hans Raha Hai Saaqi
Bhar Bhar K Peetay Aakhir Paimanay Admi Hain

Tum Ne Hamaray Dil Main Ghar Kar Liya To Kiya Hai
Aabad Kartay Aakhir Veeranay Aadmi Hain

Jab Dawar-e-Qayamat Poochay Ga Tum Pe rakh kar
Keh Den Ge Saaf Ham To Baiganay Aadmi Hain

Naasaih Se Koi Keh De Kijiye Kalaam Aisa
Hazrat Ko Taa K Koi Ye Janay Aadmi Hain

Main Wo Bashar K Mujh Se Har Aadmi Ko Nafrat
Tum Shama Wo K Tum Par Parwanay Aadmi Hain

Mehfil Bhari Huwi Hai Sodaiyon Se
Us Ghairat Pari Par Deewanay Aadmi Hain

Shabash Daagh Tujh Ko Kiya Taigh Ishq khai
Ji Kartay Hain Wohi Jo Mardanay Aadmi Hain

Comments