Thursday, 21 April 2016

Teri Zulfon Se Jugnu Iqtibaas-e-noor Karta Hay

Teri Zulfon Se Jugnu Iqtibaas-e-noor Karta Hay
Ye Banjara Isi Dhun Me Thakaawat Door Karta Hay

Khirad Jo kuch Bhi Karti Hay Hudood-e-Rasm Ke Andar
Junoon Jo kuch Bhi Karta Hai bila dastoor Karta Hay

Jo khair-Andesh Bhi Dono Ka Hay Wo Kis Sakhawat Say
Mujhay Badnaam Karta Hay Tumhen Mashhoor Karta Hay

Mujhay Toba Ka Pura Ajar Milta Hay usi Saat
Koi Zohra Jabeen Peenay Pay Jab Majboor Karta Hay

Wo Hans Kar Bat Hi Kar Len To Kafi Say Zyada Hai
Pari Zaadon Say Jhagra Kab Koi Mazdoor Karta Hay

Nazar Baazi Ko Arbaab-E-Khirad kuch Bhi Kahen Lekin
Ye Rangeen Mashgala DiL Ko Bohat Masroor Karta Hay

0 comments:

Post a Comment