Tuesday, 26 April 2016

Rakht-e-Safar Youn Hi To Na Bekaar Le Chalo

Rakht-e-Safar Youn Hi To Na Bekaar Le Chalo
Rasta Hai Dhoop Ka, Koi Dewaar Le Chalo

Taqat Nahi Zuban Mein To Likh Hi Lo Dil Ki Baat
Koi To Saath Soorat-e-Izhaar Le Chalo

Dekhon To Wo Baadal K Bhala Kaisa Ho Gaya
Mujh Ko Bhi Us K Samney Ik Baar Le Chalo

Kab Tak Nadi Ki Teh Mein Utaro Ge Kashtiyaan
Ab K Tu Haath Mein Koi Patwaar Le Chalo

Parrti Hein Dil Pe Gham Ki Agar Salwatein To Kiya
Chehray Pe To Khushi K Kuch Aasaar Le Chalo

Jintey Bhanwar Kaho Ge, Pehan Loon Ga Jisam Par
Ik Baar To Nadi K Mujhe Paar Le Chalo

Kuch Bhi Nahi Agar Tu Hatheli Pe Jaan Sahi
Tohfa Koi To Us K Liye Yaar Le Chalo

Jangle Mein Aaye Ga Koi Gaahak Kahaan Adeem
Bikna Hai Gar To Saath Kharidaar Le Chalo

0 comments:

Post a Comment