Thursday, 14 April 2016

Na bujha chiragh e dayar e dil na bicharnay ka tu malal kar

Na bujha chiragh e dayar e dil na bicharnay ka tu malal kar
Tujhe de gi jeenay ka hosla meri yad rakh le sambhal kar

Ye b kia ke aik he shakhs ko kabhi sochna kabhi bhoolna
Jo na bujh sake wo diya jala jo na ho sake wo kamal kar

Gham-e-aarzu meri justaju Main simat ke aa gaya ru-bu-ru
Ye sakoot-e-marg hay kis liye Main jawab doon tu sawal kar

Tu bichharr raha hay to soch le tere hath hay meri zindagi
Tujhe Chorna meri maut hay Meri bebasi ka khyal kar

0 comments:

Post a Comment