Wednesday, 20 April 2016

Misaal jis ki na thi bemisaal jesa tha

Misaal jis ki na thi bemisaal jesa tha
Bichar ke aise gaya bas khayal jesa tha

Tamam umer jise main samajh nahi paya
Wo shakhs mere liye us sawal jesa tha

Teri jafa ki shikayat labo pe kya laate
Tera salook zamane ki chaal jesa tha

Tere firaq me guzri hay zindagi aise
Gham-e-firaq me lamha bhi saal jesa tha

Tere khayal me rehne lage magan itne
Tera khayal bhi tere wesal jesa tha

Na dil ko chain na ankhon me hain neenden
Tumhara haal bhi kya mere haal jesa tha

0 comments:

Post a Comment