Tumhari Khwab Si Ankhen Tumhare Shabnami Lehjay
Daba Kar Hont Ka Koona Tumhara Muskrana Bhi
Meri Baton Se Cher Jana Mujhe Aksar Bura Kehna
Mujhe Apne Muqabil Jaan Kar Na Bethne Dena
Mere Tohfay Ke Rapar Ko Bohat Sanbhaal Kar Rakhna
Mere Sang Walk Pe Jana Wo Mujhse Rooth Kar Kehna
Mai Wapis Jarahi Hon Tum Mere Peeche Nahi Aana
Magar Mere Bulane Par Meri Janib Palat Aana
Meri Jaan Thek Kehti Ho Mai Sab Kuch Bhool Jaonga
Magar Ye Baat Bhi Sach Hai Mai In Lamhon Mai Jeeta Hon
Ke Jab Yun Be Irada Hi Mere Shaane Pe Sar Rakh Kar
Mujhe Tumne Bataya Tha Muhabat Ke Alao Mai Akele Tum Nahi Jalte
Meri Jaan Tum Hi Batlao Mai Jin Mai Saans Leta Hon
Mai Un Iqrar Ke Lamhaat Ko Kya Bhool Sakta Hon?
Meri Jaan Thek Kehti Ho Mai Sab Kuch Bhool Jaonga
Magar Iqrar Ke Lamhaat Kaise Bhool Paonga? ? ?
Comments
Post a Comment