Friday, 22 April 2016

Maine uthayi aankh to mehtaab kat gaya

Maine uthayi aankh to mehtaab kat gaya
maine barhaaya paon to sehra simat gaya

pehle to aas paas ka ek jaaeyza liya
phir ro ke aainay say wo zaalim lipat gaya

ek seep thi ke haath say phisli chali gayi
chilloo mai warna saara samandar simat gaya

mai gou tamaam tar huwa apne Lahoo mai tar
lekin rukh e hayaat say parda ulat gaya

dil kuch dimaagh kuch to badan keh raha tha kuch
mai apne aap bhi kayi hisson mai bat gaya

wo to giraa rahay thay mehal ki faseel ko
kuch soch kar mai aap he saaey say hatt gaya

0 comments:

Post a Comment