Tuesday, 12 April 2016

Jab Dhoop Ke Makaan Banaane Parre Mujhe

Jab Dhoop Ke Makaan Banaane Parre Mujhe
Deewar Mein Darakht Lagaane Parre Mujhe

Andar Ki Roshni Bhi Andheeron Ne Cheen Li
Pairon Talay Charaagh Jalaane Parre Mujhe

Sare Badan Mein Aag Mohabbat Ki Lag Gayi
Bhooke Ki Tarah Zakham Bhi Khaane Parre Mujhe

Us Ke Liye Bhi Saaf Kiya Main Ne Rasta
Pathar Bichaaye Us Ne Hataane Parre Mujhe

Karta Na Tha Koi Meri Aankhon Ka Aitbaar
Dekhe Jo Main Ne Khwaab Dikhaane Parre Mujhe

Daaman_E_Zindagi Kabhi Khali Nahi Raha
Baraat Se Janaaze Uthaane Parre Mujhe

Ustaad Haadson Ne Banaya Es Qadar Mujhe
Sastey Bahut Tamam Zamaane Parre Mujhe

0 comments:

Post a Comment