Din guzarte hain kaha raat kahan hoti hai
Din guzarte hain kaha raat kahan hoti hai
dard k maroon se yeh baat kahan hoti hai
Aik se chehre to hote hein is duniya main
Aik si soorat e haalaat kahaan hoti hai
zindagi ke kisi morh pe woh mill jaaye
mill to jaate hain mulaqaat kahan hoti hai
aasmaanoon se koi boond nahi barse gi
jalte sehrao main barsaat kahan hoti hai
yo to auron ki bohat baatein sunayi un ko
apni jo baat hai woh baat kahaan hoti hai
jaisi agaaz e mohabbat main hua karti thi
waisi phir shidat e jazbaat kahan hoti hai
pyaar ki aag banaa deti hai kundan jin ko
un ke zehno main bhala zaat kahan hoti haiDin guzarte hain kaha raat kahan hoti hai
dard k maroon se yeh baat kahan hoti hai
Comments
Post a Comment