Monday, 25 April 2016

Baat kehni na ussay baat chupaani aaye

Baat kehni na ussay baat chupaani aaye
Labb ki larzish jo rukay aankh mein paani aaye

Parda uttha to pass-e-parda ye elaan huwa
Saaray kirdaar mukammal hain kahaani aaye

Hijar se wasl nikaala hai to hairat kaisi
Aag par haath rakhon aag se paani aaye

Yaad jab aaye wo jaate huway rukna tera
Aik dam dard k dariya mein rawaani aaye

Main to bass dekhnay nikla tha jahaan-e-hasti
Chal k khud paas mere harf-o-maaani aaye

Zikar-e-berangi-e-ayyaam ko ab jaane do
Jaam rangeen karo rang-e-jawaani aaye

Nit nayi bheerr laga rakhtay ho dil mein Nayyar
Ghar ko khaali bhi karo yaad puraani aaye

0 comments:

Post a Comment