Baandh Lain Haath Pe Seenay pe Sajaa Lain TUM ko

Baandh Lain Haath Pe Seenay pe Sajaa Lain TUM ko
Jee Mein Aata hay ke Taveez Bana Lain TUM ko
Phir Tumhain Roz Sanwaarain Tumhain Barhta Dekhain
Kiyun Na Aangan Main Chanbaili Sa Laga Lain TUM ko
Jaisay Baalon Mein Koi Phool Chuna Karta hay
Ghar Ke Guldaan Mein Phool Sa Saja Lain TUM ko
Kiya Ajab Khuwahish Uthti Hain Humaray Dil Mein
Kar Ke Munna Sa Hawaon Mein Uchaalain TUM ko
Iss Qadar Toot Kar Tum Par Piyaar Aata Hay
Apni Banhon Mein Bharain Maar hi Daalain Tum Ko
Kabhi Khuwaabon Ki Tarha Aankh Ke Parday Mein Raho
Kabhi Khuwahish Ki Tarha Dil Mein Bula Lain TUM ko
Hay Tumharay Liye Kuch Aisi Aqeedat Dil Mein
Apnay Haathon Mein Dua Sa Utha Lain TUM ko
Jaan Denay Ki Ijazat Bhi Nahi Detay Ho
Warna Mar Jayen Abhi Mar Ke Manaa Layn TUM ko
Jis Tarha Raat Ke Seenay Mein Hay Mahtaab ka Noor
Apnay Tareek Makaanon Mein Sajaa Lain TUM ko
Ab Toh Bas Aik hi Khuwahish hay Kissi Morr Par TUM
Hum Ko Bikhray Huwaye Mil Jao Sanbhalain TUM ko

Comments