Urdu poetry, Ghazal, Shayari,Sad Poetry And Funny Jokes

Labels

Wednesday, 2 March 2016

Wafaa Ke Baab Mein iLzaam e Aashiqui Na Liya

Wafaa Ke Baab Mein iLzaam e Aashiqui Na Liya
Ke Teri Baat Ki Aur Tera Naam Bhi Na Liya

Khusha Wo Log Ke Mehroom e iLtafaat Rahay
Tere Karam Ko Ba Andaaz e Saadgi Na Liya

Tumhaaray Baad Kayi Haath Dil Ki Simt Barhay
Hazaar Shukar Girebaan Ko Ham Ne Si Na Liya

Tamaam Masti o Tishna Labi Ke Hangaamay
Kisi Ne Sang Uthaaya Kisi Ne Meena Liya

Faraz Zulm Hai Kuch Itni Khud Aitmaadi Bhi
Ke Raat Bhi Thi Andheri Charaagh Bhi Na Liya

No comments:

Post a Comment