kisi ki soch hon na shamiL e azkaar hon main

kisi ki soch hon na shamiL e azkaar hon main
NihaaL e Dard pay bhi yakk wajood e khaar hon main

Zamana mujh ko mitti main miLa ke khush huwa har baar
Namoo e jaawdaani say magar har baar hon main

Zaroorat par meray hi khoon say jaLti rahi shammein
Agarchay har kisi ki Aankh main Bekaar hon main

khushi ke Mosamon mein sadka o khairaat ka waris
Zuboon k zaichon main par Ghiza e Daar hon main

Mujhay insaaf jaisi shay pay koi haQ nahi HasiL
Mujhay Qanoon nay samjhaya hai Lachaar hon main

Mujhay har shakhs ki har baat ki bhi Laaj rakhni hai
Aseer e khauf hon or kushta e Adwaar hon main