Friday, 18 March 2016

Jamaa tum ho nahi sakte Mujhe manfi se nafrat hai

Jamaa tum ho nahi sakte Mujhe manfi se nafrat hai
Tumain takseem karta hon To haasil kuch nahi aata

Koi qaaida,koi kuliyaa Na laagu tujh pe ho paaye
Zarab tujh ko agar doon to Hisabon mein khallal aaye

Ikaayi ko dahaayi pa Mein doon nisbat to kaise doon
Na qaalib ki tarha tum ho Na aljabra se lagte ho

Umer ye katt gayi meri Tujhe humdam samjhne mein
Jo hall tera agar nikle To sab kuch hi ulajh jaye

Sifar thi ibtidaa teri Sifar he ab talak tum ho
Sifar zarb e sifar ho tum Na jis se kuch faraq aaye

0 comments:

Post a Comment