khud ko mismar bhi to maine kiya
is ko ilzaam.e.zakhm kaisy don
Khud py yai war bhi to main ne kia
is ki khawahish thi sath chalne ki
is ko inkaar bhi to main ny kia
wo kahan mujh se dor rehta tha
is ko bezaar bhi to main ne kia
koi rishta rakha nhi is sy
dar ko diwar bhi to main ne kia
mushklain thi hazar rasty main
raah ko hamwar bhi to main ny kia
apna dushman bana hon is k liye
is ka kirdar bhi to main ne kia
mujh se aagy hy aaj arif jo
is ko funkar bhi to main ny kia
Comments
Post a Comment