Gharoor e husn ke sadqe Muhabbat yoon nahi karte

Gharoor e husn ke sadqe Muhabbat yoon nahi karte
Bhari mehfil main zahir dil ki wehshat yoon nahi karte

Yeh maana Tum haseen ho aur tumhein haq hai shararat ka
Kisi ki jaan pe bann jaye shararat yoon nahi karte

Jisse Tum husn kehte ho woh Kaaba hai nigahon ka
Adab lazim hai Kaabe ki ziyarat yoon nahi karte

Kuch apne husn ki khairaat de do hum faqeeron ko
Kisi saahil ko apne dars se rukhsat yoon nahi karte

Haya aur sharam ko hum husn ka zeiwar samajhte hain
Yeh zeiwar lutt k reh jaye sakhawat yoon nahi karte

Tumhari ik nazar par faisla hai zindgani ka
Maseeha ho k bemaron se ghaflat yoon nahi karte

Comments