Thursday, 24 March 2016

Chhorr Dainey Se Na Inkaar Se Kam Hota Hai

Chhorr Dainey Se Na Inkaar Se Kam Hota Hai
Runj To Runj K Izhaar Se Kam Hota Hai

Ye Andhaira Jo Mrey Chaaron Taraf Raqsaan Hai
Sirf Us Shola-e-Rukhsaar Se Kam Hota Hai

Sunni Hoti Hai Mujhe Zamzama Aasaar Aawaaz
Bolna Bhi To Mujhe Yaar Se Kam Hota Hai

Is Liye Chhorr K Sab Kaam Teri Samt Aaoon
Dard Dil Ka Trey Didaar Se Kam Hota Hai

Maal-o-Doulat Bhi Nahi Aisee Buri Shai Koi
Runj Kuch Dirham-o-Dinaar Se Kam Hota Hai

Konsi Cheez Hai Deyhaat Mein Milti Nahi Jo
Narkhh Bhi Shehar K Bazaar Se Kam Hota Hai

Baat Karne K Liye Koi To Hota Hai Haneef
Khauf Kuch To Dar-Diwaar Se Kam Hota Hai

0 comments:

Post a Comment