Monday, 7 March 2016

Basaa Huwa Tha Jo Seeney Mein Aarzoo Ki Tarah

Basaa Huwa Tha Jo Seeney Mein Aarzoo Ki Tarah
Ragon Mein Goonj Raha Hai Wo Ab Lahoo Ki Tarah

Main Uske Dil Mein Chupi Khowahishain Bhi Jaan Gaya
Khula Wo Mujh Se Girebaan E BeRaffoo Ki Tarah

Koi Nazar Bhi Uthaye Us Pe Dil Dharak Jaaye
Main Usey Piyaar Karoon Apni Aabroo Ki Tarah

Bohat Dinon Mein Jo Dekha Usey Tou Kiya Kahiye
Lagi Hai Us ki Khamoshi Bhi Guftugu Ki Tarah

Mujhe Judaa Na Samajhna Chaman Se Ehl E Chaman
Main Rayegaan Hi Sahi Shaakh E Be Namuu Ki Tarah

Gham e Jahaan Tha Ke Mohsin Ujaar Mausam Tha
Simat Gaya Wo Samandar Bhi Aabjuu Ki Tarah

0 comments:

Post a Comment