Thursday, 18 February 2016

Dil Ki Sune Howay Bhi Zamanay Guzar Gaye

Dil Ki Sune Howay Bhi Zamanay Guzar Gaye
Khud Par Hansey Howay Bhi Zamanay Guzar Gaye

Apne Liye Kabhi Jo Banaaya Tha Raasta
Us Par Chalay Howay Bhi Zamanay Guzar Gaye

Bichrray To Us Se Hain Magar Lagta Hai Is Tarah
Khud Se Mile Howay Bhi Zamanay Guzar Gaye

Khuwaboon Ka Silsila Bhi Nahi Tootta Kabhi
Aur Jaagtay Howay Bhi Zamanay Guzar Gaye

Manzil Ki Simat Bhi Hai Zamanoon Ka Faasla
Ghar Se Chalay Howay Bhi Zamanay Guzar Gaye

Wo Darr Bhi Khull Nahi Saka Aur Us K Saamnay
Ham Ko Rukay Howay Bhi Zamanay Guzar Gaye

Kuch Apne Haal Par Bhi Munawar Hai Sochna
Ye Sochtay Howay Bhi Zamanay Guzar Gaye

0 comments:

Post a Comment