Tuesday, 5 January 2016

Rukhsar Aisay Timtimatay Hain Janab Ke

Rukhsar Aisay Timtimatay Hain Janab Ke
Pehnay Hon Jaisy Chaand Ne Gajrey Gulaab K

Likha Hai Tera Naam Bhi Chahat K Khoon Say
Aao Warq Dikhaon Main Dil Ki Kitaab K

Itni Pila Day Aaj K Ji Bhar K Royen Hum
Niklen Hamari Aankh Say Aanso Sharaab K

Utra Wo Is Tarha Se Samandar Ki Goad Mein
Jitney Bhanwar Thay So Gaye Pehlu Mein Aab K

Didaar e Yaar Bolye Kaisey Ho Aaj Kal
Pehray Hain Chaand Chehray Pay Kalay Naqaab K

Mil Kar Tamaam Raat Woh Phir Bhi Nahi Mila
Suraj Bata Gaya Hai Ye Dhokay Thay Khawab K

0 comments:

Post a Comment