Thursday, 14 January 2016

Pehle Saleeb E Dard Ki Hum Se Zubaan Li

Pehle Saleeb E Dard Ki Hum Se Zubaan Li
Phir Us Ne Ja K Baat Zamane Ki Maan Li

Kal Shaam Youn Huwa K Hawaon K Zikar Par
Ek Bujhte Huwe Charagh Ne Jalnay Ki Thaan Li

Woh Paish Paish Aaj Saff E Dushmanan Me Hai
Kal Jis Ne Bheek Maang Kar Hum Se Amaan Li

Phir Faakhta Ne Rotay Huwe Alvida Kaha
Basti Me Jab Uqaab Ne Chirriya Ki Jaan Li

Jo Khud Ko Keh Raha Ha Hawaon Ka Taajwar
Us Ne To Hum Se Maang Kar Itni Urraan Li

Shayed Khareednay Aaye Woh Aik Din
So Hum Ne Zindagi Se Wafa Ki Dukaan Li

0 comments:

Post a Comment