Saturday, 9 January 2016

Omar e Javed ka Hasil thi Mulaqat ki Raat

Omar e Javed ka Hasil thi Mulaqat ki Raat
Jab wo Mera Mehman raha Raat ki Raat

Shama o Parwana men wo Rabta e Meher o Khaloos
Husn or Ishq men wo Ramz o Kinayat ki Raat

Aalam e Shoq men wo Mashghala e Raz o Niaz
Khalwat e Naz men wo Shukar o Shikayat ki Raat

Sard Khamosh Fason Kar Suhani Rangeen
Haye wo Pyar ki Rut Haye wo barsat ki Raat

Chand se Chehre pe wo Zulf e Siyah k Halqay
Uff wo Jalwon ki Seher Tauba o Tasbeeh o Manajat ki Raat

Alif laila ki Pur Israr Kahani thi koi
Aik PariZaad se wo Harf o Hiqayat ki Raat

Dono Janib Tapish e Dil se Qayamat ka Sakoot
Na Sawalat ki Mohlat Na Jawabat ki Raat

Waqt or waqt bhi lutf o Karam e Khaas ka waqt
Raat or Raat bhi aik Rind e Khrabat ki Raat

0 comments:

Post a Comment