Friday, 15 January 2016

Maine dekha tha un Dinon main usay

Maine dekha tha un Dinon main usay
Jab woh khiLte GuLab jaisa tha
Uski paLkon se Neend chhanti thi
uska Lehja sharaab jaisa tha

Uski zuLfon se Bheegti thi Ghatta
uska rukh mahtaab jaisa tha
Log parhte thay khaL o khad uske
wo Adab ki kitaab jaisa tha

BoLta tha zubaan khushbu ki
Log sunte thay Dharkanon main usay
Maine Dekha tha un Dinon main usay

saari Aankhein thein Aaine uske
saare chehron main intekhaab tha woh
yeh khwaab hai ke woh HaQeeQat tha
yeh HaQeeQat hai Ke koi khwaab tha wo
sab se GhuL MiL kar ajnabi rehna
ek Darya Numa saraab tha woh

Apni Neendein usi ki nazar hoyein
Maine paya tha Ratt jaggon main usay
Maine dekha tha un dinon main usay

0 comments:

Post a Comment